Arrestohet një burrë pasi tentoi ta dhunojë një grua në magjistralen Prishtinë - Ferizaj

Policia ka arrestuar një person, pasi kishte tentuar të kryente marrëdhënie seksuale me një femër pa dëshirën e saj.

Sipas njoftimit të Policisë, ngjarja ka ndodhur më datën 10.12.2024, rreth orës 15:00, në magjistralen Prishtinë - Ferizaj, raporton Zeri.info.

“Magjistralja Prishtinë – Ferizaj, 10.12.2024 - 15:00. Është arrestuar i dyshuari mashkull kosovar pasi kishte tentuar të kryente marrëdhënie seksuale me viktimën femër kosovare pa dëshirën e saj. Me vendim të prokurorit, i dyshuari pas intervistimit është dërguar në mbajtje, ndërsa viktima është dërguar për ekzaminim mjekësor”, thuhet në njoftimin e Policisë. /Zëri