Arrestohet një 35-vjeçar në Skenderaj, tentoi të vjedhë në një barnatore

Një person është arrestuar sot pas mesnate në Skenderaj për “Vjedhje e rëndë në tentativë”.

Policia ka njoftuar se reagimi i shpejtë i njësive policore ka rezultuar të lokalizohet dhe të arrestohet i dyshuari, i cili me forcë kishte tentuar të kryejë vjedhje, ku cak i kësaj vjedhjeje ishte një barnatore.

Te personi i dyshuar në posedim i janë gjetur dhe konfiskuar një armë pistoletë me nëntë fishekë dhe dëshmi të tjera materiale që dyshon të jenë përdorur nga i dyshuari ne veprën penale.

“Lidhur me rastin dhe veprimet e ndërmarra është njoftuar prokurori i rastit, i cili ndaj të dyshuarit Rr.G., 35-vjeçar, shtetas i Republikës së Kosovës, i ka caktuar masën e ndalimit policor për 48 orë. Ndaj të dyshuarit është iniciuar rast për veprat penale ‘Vjedhje e rëndë në tentativë’ dhe ‘Mbajtje në pronësi, kontroll të paautorizuar të armës’”, thuhet në njoftimin e Policisë. /Zëri