Zjarr në një banesë në Ferizaj
Një ballkon i një banese në Ferizaj është përfshirë nga zjarri sot rreth orës 14:39.
Lajmin e ka konfirmuar zëdhënësi i policisë në Ferizaj, Kanun Veseli.
“Sot, rreth orës 14:39 kemi pranuar një informatë se në rrugën “Besim Rexhepi ” në Ferizaj, në një ballkon të një banese është një incident zjarri. Patrulla e policisë ka dalë menjëherë në vendin e ngjarjes, ndërsa të menjëhershëm kanë qenë edhe një ekip e zjarrfikësve dhe është shuar zjarri”, ka thënë Veseli.
Ai ka shtuar se nuk është raportuar për të lënduar.
Telegrafi ka kontaktuar edhe me komandantin e njësisë se zjarrfikësve ne Ferizaj, Zymri Krasniqi i cili ka treguar se nuk ka të lënduar ne këtë rast.
“Zjarrfikësit me urgjence kanë intervenuar dhe e kanë lokalizuar zjarrin. Nuk ka të lënduar , ndërkohe ekipet janë duke u marrë me rastin dhe shkaktarët e zjarrit”, ka thënë Krasniqi.
