E incizoi të dashurën në gjumë dhe e publikoi në rrjetet sociale, arrestohet një person në Leposaviq

Një ngjarje shqetësuese është regjistruar në Leposaviq të shtunën.

Sipas Policisë, dyshohet se viktima grua, shtetase e Serbisë, e cila kishte shkuar në shtëpinë e të dashurit të saj mashkull, ka qenë pre e një sulmi seksual.

Sipas informacioneve të para, i dyshuari, teksa viktima ishte në gjumë, ka shfrytëzuar momentin për të realizuar disa incizime, të cilat më pas i ka shpërndarë në rrjetet sociale pa lejen e saj.

Pas denoncimit, Policia e Kosovës ka arrestuar të dyshuarin, ndërsa me vendim të prokurorit, ai është dërguar në mbajtje.

Hetimet për këtë rast janë në vazhdim.