Policia kërkon bashkëpunim me qytetarët për arrestimin e 25-vjeçarit nga Kamenica

Policia e Kosovës po kërkon bashkëpunim nga qytetarët për të lokalizuar dhe arrestuar një person të kërkuar.

I shpalluri në kërkim është Bardhyl Prekorogja nga Komuna e Kamenicës dhe i njejti kërkohet për vrasje në tentativë, transmeton Zeri.info.

Policia ka lutur qytetarët që mund të kenë informacione për vendodhjen e tij që të kontaktojnë menjëherë policinë.

Njoftimi i plotë:

Policia e Kosovës, konkretisht Drejtoria Rajonale e Gjilanit, kërkon personin në kërkim, Bardhyl (Florim) Prekorogja

Policia e Kosovës, Drejtoria Rajonale e Policisë në Gjilan, në koordinim me Prokurorinë Themelore në Gjilan, kërkon bashkëpunimin e qytetarëve dhe mediave për lokalizimin dhe arrestimin e personit në kërkim:

PËRSHKRIMI I TË DYSHUARIT:

Emri: Bardhyl (Florim) Prekorogja

Datëlindja: 27/05/1999

Adresa e banimit: Fshati Busavatë, Komuna e Kamenicës

KATEGORIA E VEPRAVE PENALE:

Vrasje në tentativë

Mbajtja në pronësi, kontroll ose posedim të paautorizuar të armëve

Policia e Kosovës ka ndërmarrë dhe vazhdon të ndërmarrë të gjitha veprimet e nevojshme për lokalizimin dhe arrestimin e të dyshuarit. Me këtë qëllim, kërkojmë nga të gjithë qytetarët dhe mediat që, nëse kanë ndonjë informacion lidhur me vendndodhjen e tij, të kontaktojnë menjëherë Policinë e Kosovës.

SI TË LAJMËRONI POLICINË:

Vizitoni stacionin më të afërt policor

Përdorni aplikacionin digjital “Lajmëro Policinë”

Dërgoni email në: [email protected]

Telefononi në numrat kujdestarë: 192 ose 038 508 07001

Policia e Kosovës garanton se të gjitha informacionet do të trajtohen me konfidencialitet të plotë.

Policia e Kosovës