Shpërthen bombola e gazit në Gjirokastër, nuk lëndohet askush
Kronika
November 10, 2024 - 17:36
Një bombol gazi ka shpërthyer gjatë punimeve për hidroizolimin e tarracës së një pallati në Gjirokastër.
Sipas dëshmitarëve okularë, rreth orës 13:30 ndërsa kryheshin punime në tarracën e pallatit bombola që shpërtheu ka rënë nga lartësia e tarracës e ka përfunduar në trotuarin poshtë pallatit.
Sipas raportimeve, nuk ka pasur të lënduar. Ngjarja ka ndodhur në një prej zonave të populluara të qytetit, në afërsi të universitetit “Eqrem Çabej”. /tch
