Vdes ish-komandanti i UÇK-së, Naim Qorrolli
Kronika
November 10, 2024 - 11:49
Ka vdekur ish-komandanti i Ushtrisë Çlirimtare të Kosovës (UÇK), Naim Qorrolli.
Ai ishte komandanti për Operativë në Brigadën 142 në Zonën Operative të Shalës.
Lajmin për vdekjen e tij e kanë bërë të ditur familjaret.
Njoftimi i plotë:
Përshëndetje të gjithëve,
Me pikëllim të thellë ju njoftojmë për ndarjen nga jeta të babit tonë të dashur, Naim Qorrollit. Ai ishte një shembull i forcës dhe dashurisë për atdheun dhe familjen. Zërin dhe veprat e tij do t’i ruajmë përherë në zemrat tona.
Data, ora dhe vendi i ceremonisë mortore do te bëhen te ditura së shpejti, ku të gjithë ata që e nderuan mund t’i japin lamtumirën e fundit.
Me pikëllim të thellë,
Familja Qorrolli
