Tre të lënduar në aksidentin në Fushë-Kosovë
Kronika
October 29, 2024 - 15:16
Një aksident trafiku ka ndodhur mesditën e sotme në Fushë-Kosovë, ku për pasojë tre persona janë lënduar.
Këtë e ka bërë të ditur për Zeri.info zëdhënësja e Policisë së Kosovës për rajonin e Prishtinës, Flora Ahmeti.
Sipas Ahemtit, në këtë aksident janë përfshirë katër automjete.
“Sot rreth orës 12:40 kemi pranuar informatën se në rrugën Fushë-Kosovë – Prishtinë ka ndodhur një aksident trafiku. Në këtë aksident kanë qenë të përfshira katër automjete. Si pasojë e aksidentit lëndime trupore kanë pësuar tre persona”, ka treguar Ahmeti.
Tutje, Ahmeti ka bërë të ditur se me rastin po merret Njësiti i Trafikut Rrugor. /Zëri
