Parandalohet një rast i kontrabandimit të mallrave, kosovari tentoi të fuste nga Serbia dardha dhe speca
Policia e Kosovës në bashkëpunim me Doganën e Kosovës kanë parandaluar një rast të kundërvajtjes doganore.
Policia përmes njoftimit ka bërë të ditur se ka gjetur se në një automjet ka gjetur rreth 800 kg dardhë dhe mbi 2700 kg speca pa dokumente përcjellëse, raporton Zeri.info.
“Njësia e TASK FORC-ës -Lindje në përbërje nga Dogana dhe Policia Kosovës, në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet taktike dhe operacionale në zonën kufitare Serbi-Kosovë, me ç’rast me datë 25.10.2024 njësia e lartcekur ka vënë re një kombi/furgon duke lëvizur ilegalisht nga Serbia në Kosovë. I njëjti është ndaluar dhe gjatë kontrollit të automjetit i cili drejtohej nga i dyshuari mashkull kosovar kishte të ngarkuar mallra të ndryshme rreth 800 kg dardhë dhe 2700 kg speca pa dokumente përcjellëse”, thuhet në njoftmn e PK-së
Po ashtu sipas njoftimit thuhet se mallrat dhe automjeti janë sekuestruar dhe dërguar në terminalin doganorë, ndërsa rasti është duke u trajtuar nga njësitet relevante për procedurat e mëtejme.
