Një person në Shtime lëndohet me burgi derisa po punonte në shtëpi, Policia jep detaje
Një person është lënduar me burgi derisa ishte duke punuar në një shtëpi në Shtime.
Zëdhënësi i Policisë së Kosovës për rajonin e Ferizajt, Kanun Veselaj, ka konfirmuar rastin në fjalë.
Veselaj ka thënë se ngjarja ka ndodhur të enjten në mesditë dhe se personi i lënduar pasi ka marrë ndihmën e parë në Shtime është dërguar në QKUK.
Personi është vetëlënduar me një burgi, derisa ka qenë duke i ndarë drunjtë në shtëpinë e tij.
“Më datën 17.10.2024, rreth orës 11:00, Policia e Stacionit në Shtime ka pranuar një informatë se në Shtëpinë e Shëndetit në Shtime një person kishte marrë lëndime në kokë dhe pasi ka marrë ndihmën e parë në Shtime, për trajtim të mëtutjeshëm mjekësor është dërguar ne QKUK - Prishtinë. Policia kishte mësuar se ai ishte vetëlënduar nga një mjet shpues (burgi), derisa ishte duke i ndarë drunjtë në shtëpinë e tij. Për të gjitha këto veprime është njoftuar prokurori i Shtetit dhe me vendim të tij është iniciuar shënim zyrtar”, tha Veselaj për express.
