Tek pasi policët ia gjejnë veturën, burrit nga Prishtina i kujtohet vendparkimi
Kronika
October 18, 2024 - 09:53
Nën dyshimet se ia vodhën automjetin, një 50-vjeçar në Prishtinë e kishte denoncuar rastin në Polici, në fund të shtatorit, por u zbulua se s’kishte të bënte me vjedhje.
Sinjali mëson se pronari i veturës fillimisht kishte raportuar se nuk e kishte gjetur veturën në rrugën ku e kishte parkuar dhe kërkoi ndihmë nga Policia.
Si rezultat, Policia ndërmori veprimet e nevojshme dhe pas tri javësh arriti ta lokalizojë vendndodhjen e veturës, me ç’rast u njoftua pronari.
Por pasi ankuesi e kuptoi që vetura është gjetur, i njëjti ka deklaruar se e kishte harruar vendin ku e ka parkuar dhe s’ka dyshime tek askush.
Lidhur me rastin janë ndërmarrë veprimet e nevojshme dhe automjeti i është kthyer pronarit.
