Policia në Kamenicë kap në flagrancë 29-vjeçarin që kontrabandoi 18 krerë dhi nga Serbia

Njësia e TASK-FORC-ës e Policsë së Kosovës dhe Dogana e Kosovës, sot rreth orës 07:40, ka parandaluar edhe një rast të kontrabandës me mallra, konkretisht kafshë.

Policia ka njoftuar se sot, ka identifikuar dhe ndaluar në fshatin Hodonocë të Kamenicë një veturë me targa vendore drejtuar nga dyshuari mashkull kosovar me iniciale A.Q., i moshës 29 vjeqar nga Kamenica i cili është zënë në flagrancë duke bërë kontrabandë me 18 krerë dhi.

Dhitë dyshohet se janë futur përmes rrugëve ilegale malore nga territori i Serbisë në territorin e Kosovës dhe ishin pa matrikula dhe dokumentacion përkatës.

“Lidhur me rastin janë ndërmarrë të gjitha veprimet e nevojshme për trajtim të mëtutjeshëm sipas procedurave, janë njoftuar inspektorët e AUV-it si dhe prokurori kompetent, me udhëzim të së cilit personi i dyshuar është liruar në procedurë të rregullt, ndërsa kafshët e konfiskuara i dorëzohen Doganës së Kosovës”, njofton Policia. /Zëri