Zeqiri kërcënohet me jetë nga një person, i cili paraqitet si oficer i MUP-it
Kronika
September 03, 2024 - 10:19
Kryetari i Zubin Potokut, Izmir Zeqiri, ka pranuar disa kërcënime me jetë.
Zeqiri kërcënimet i ka marrë përmes rrjeteve sociale, ku një person i paraqitur si oficer i MUP-it është duke i shkruar mesazhe kërcënuese “Do të marrësh plumb në kokë, o bandë terroriste”, transmeton Zeri.info.
Këtë e ka bërë të ditur vetë kryetari i Zubin Potokut, i cili në faqen e tij zyrtare në Facebook ka publikuar mesazhet që ka marrë nga ky person.
“Jam duke u kërcënuar dy herë brenda tre muajve të fundit nga i njëjti profil i një terroristi që paraqitet të jetë një oficer i MUP-it të Serbisë, i angazhuar në Republikën e Kosovës.
Herën e parë, më 31 maj.
Dhe tani, më 2 shtator
Përgjigjja ime është: Këtu jam dhe Këtu do të jem Dem Baba Dem”, shkroi Zeqiri. /Zëri
