Elshani: Sa të jetë Radoiçiqi i lirë, ka rrezik

Zëvendësdrejtori i Policisë së Kosovës, Veton Elshani, ka folur për situatën në veri të Kosovës.

I pyetur se a është shpartalluar grupi i Radoiçiqit në veri të Kosovës, Elshani ka thënë se derisa ai është i lirë, ekziston mundësia të përsëritet diçka si rasti i Banjskës.

“Sa është Radoiçiqi i lirë ka rrezik, por ne jemi me numër të mjaftueshëm të policëve dhe gjithçka është nën kontroll. Në rast se ndodh diçka ne jemi qe të reagojmë”, ka thënë Elshani në Kanal10.

Tutje ai ka shtuar se Policia është duke punuar vazhdimisht që t’u ofrojë siguri të gjithë qytetarëve në veri të Kosovës.

“Prej orës 8 në mëngjes e deri në mbrëmje ishim në detyrë, në uniformë. Tash edhe na kemi dal me lëviz, me shëtit. Kjo është e mundur, nuk ka ndonjë problem. Por situata këtu është thuajse çdo natë, ndonjëherë edhe më shumë. Tash kanë filluar edhe shkollat me siguri kemi me pas më shumë njerëz, pra situata është e qetë”, deklaroi ai.