Kapen me ekstazi, kokainë dhe marihuanë dy persona në festivalin “Sunny Hill”
Kronika
July 27, 2024 - 08:45
Dy persona janë ndaluar dje në Bërnicë të Poshtme të Prishtinës, aty ku po mbahet edhe festivali “Sunny Hill”.
Policia ka bërë të ditur se në rastin e parë rreth orës 21:30 gjatë kontrollit tek i dyshuari mashkull janë gjetur dhe konfiskuar dhjetë cigare me substancë të dyshuar narkotike të llojit marihuanë në peshë 12 gram.
I dyshuari është intervistuar dhe me vendim të prokurorit, është liruar.
Ndërsa në rastin e dytë, njësiti policor gjatë kontrollit tek i dyshuari mashkull janë gjetur dhe konfiskuar, një sasi prej 11 pilulave, dyshohet të jenë ekstazi dhe një qese me substancë të dyshuar narkotike të llojit kokainë.
I dyshuari është arrestuar dhe me vendim të prokurorit është dërguar në mbajtje. /Zëri
