Rrëmbehet një i mitur në Preshevë, motra e tij thotë se kjo ndodhi për shkak të borxhit
Kronika
July 21, 2024 - 09:02
Një person raportohet se është rrëmbyer ditën e shtunë në Preshevë, ndërsa rastin e kanë paraqitur familjarët e tij në stacionin policor në Gjilan.
Rastin në polici e ka paraqitur motra e viktimës, e cila ka raportuar se vëllai i saj i mitur është rrëmbyer për shkak të një mosmarrëveshje rreth një borxhi.
“Preshevë 20.07.2024-16:00. Ankuesja femër Shqiptare shtetase e Serbisë, ka raportuar në Stacionin Policor Gjilan se pas një mosmarrëveshje rreth një borxhi, është rrëmbyer vëllai i saj i mitur, viktima mashkull shqiptar shtetas i Serbisë; nga i dyshuari mashkull kosovar”, thuhet në njoftim.
Gjatë bastisjes tek prona e të dyshuarit është gjet dhje konfiskuar 2.41 gram marihuanë.
Policia shton tutje se rasti është duke u hetuar.
