Humb jetën një person gjatë punimeve ndërtimore në Tetovë

SPB Tetovë njofton se dje është raportuar se ka humbur jetën një person gjatë punimeve ndërtimore.

“Më datë 02.07.2024 në ora 15.40 në SPB-Tetovë është raportuar se në Spitalin Klinik të Tetovës – Qendra Urgjente është sjelë pa shenja jete personi A.A. (53) nga Xhepçisht i Tetovës.

Sipas raportimit, ai kishte ra dhe ishte lënduar gjatë kryerjes së detyrave të punës në një kompani në Neproshten të Tetovës, pas së cilës ai kishte ndëruar jetë. Në vendin e ngjarjes, inspektimin e ka kryer një ekip i SPB Tetovë.

Kurse me urdhër të Prokurorit Publik, trupi i të vdekurit është dorëzuar për autopsi”, njoftojnë nga SPB Tetovë./Telegrafi/