Arrestohet një i dyshuar pasi në Isniq ka shtënë me armë zjarri në drejtim të një shtëpie

Një person është arrestuar pasi dyshohet se ka shtënë me armë zjarri në drejtim të një shtëpie pas një përleshjeje, në fshatin Isniq të Deçanit, më 11 qershor.

Në raportin e policisë thuhet se njësitet relevante të Stacionit Policor Deçan, menjëherë kanë dalë ne vendngjarje, aty është kuptuar se disa persona janë përfshirë në një përleshje në mes veti dhe më pas ka pasur të shtënë me armë zjarri.

“Nga deklarimi i ankuesit është kuptuar se i dyshuari ka gjuajtur me armë zjarri në drejtim shtëpisë së viktimës dhe vëllait të tij”.

“Nga veprimet hetimore të Sektorit Rajonal për Hetime DRP Pejë, janë siguruar informacione për identitetin e personit të dyshuar, fillimisht është bërë bastisja e shtëpisë së tij, dhe në bashkëpunim me qytetarët është arritur të sekuestrohet: Arma e tipit AK-47, rreth orës 01:10, është arritur të arrestohet personi i dyshuar: F.H. i lindur me 1989”, thuhet në njoftim.

Pas intervistimit nga hetuesit, me vendim të Prokurorit të shtetit i dyshuari është ndaluar për 48- orë. /Zëri