![IPK-ja arreston dhe suspendon nga detyra policin për dyshime të kanosjes](/uploads/zeri.info/images/2023/November/15/auto_auto_IPK-Inspektoriati_policor_i_Kosoves-14_mars_2022-Laura_Hasani_copy16494195591700079695.jpg)
IPK-ja arreston dhe suspendon nga detyra policin për dyshime të kanosjes
Kronika
May 26, 2024 - 15:02
Hetuesit e Inspektoratit Policor të Kosovës kanë arrestuar dhe suspenduar nga detyra një zyrtar policor në Gjakovë me dyshimin se i njëjti ka kryer veprën penale “kanosje”.
Hetuesit e IPK-së i kishin pranuar informacionet e para për rastin dje rreth orës 19:00, teksa ata në koordinim me Prokurorin kanë ndërmarrë disa veprime hetimore.
“Pas këtyre veprimeve hetimore, zyrtarit policor me vendim të prokurorit i është caktuar masa e ndalimit për 48 orë me dyshimin se ka kryer veprën penale ‘kanosje”, njofton IPK.
Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar.