![Policia me aksion në veri, bastis disa institucione financiare](/uploads/zeri.info/images/2024/May/20/auto_IMG_09591716215670.jpeg)
Policia me aksion në veri, bastis disa institucione financiare
Një aksion në Mitrovicë të Veriut është zhvilluar nga Policia e Kosovës këtë të hënë.
Zëvendësdrejtori i Policisë në rajonin e Mitrovicës së Veriut, Veton Elshani, ka thënë për Telegrafin se aksioni është mbajtur nën dyshimin që disa biznese po zhvillojnë veprimtari të kundërligjshme.
![Image](https://zeri.info/uploads/zeri.info/images/2024/May/20/auto_IMG_09601716215694.jpeg)
Ky aksion sipas Elshanit po zhvillohet bashkë bashkë me ATK-në dhe me autorizim të prokurorit.
“Aksioni po zhvillohet pas informacioneve për biznese të cilat ushtrojnë veprimtari të kundërligjshme. Aksioni është ndërmarrë me urdhër të Prokurorisë. Me neve është edhe ATK-ja”.
"Në bazë të informacioneve të pranuara se në disa biznese në Veri të vendit është duke u zhvillu veprimtari e kundërligjshme, me autorizim të prokurorit kemi ndërhy dhe të njëjtat jemi duke i kontrollu. Me neve është edhe ATK”, ka thënë Elshani.
![Image](https://zeri.info/uploads/zeri.info/images/2024/May/20/auto_IMG_09611716215693.jpeg)
Ndërkaq, portali serb nga Mitrovica, Kossev raporton se Policia ka bastisur edhe ndërtesën e Administratës së Thesarit në Mitrovicën e Veriut./Telegrafi/