Përleshje masive mes shqiptarëve në Greqi, raportohen pesë arrestime
Kronika
May 13, 2024 - 09:53
Dy grupe shqiptarësh raportohet të jenë përfshirë në një sherr masiv mbrëmjen e kaluar në Heraklion të Greqisë.
Sipas të dhënave paraprake nga mediat e shtetit helen, mbi 20 persona u përleshën dhunshëm mes tyre për motive ende të paqarta, shkruan A2Cnn.
Falë ndërhyrjes së policisë, përplasja nuk mori përmasa më dramatike, teksa disa nga shqiptarët e përfshirë u lënduan lehtë.
Paraprakisht raportohet për pesë persona të arrestuar, emri i të cilëve nuk bëhet me dije.
