Kërcënoi një femër përmes telefonit, arrestohet prishtinasi

Policia në Prishtinë ka arrestuar një person, pasi ka kërcënuar përmes telefonit një femër.

Sipas njoftimit të Policisë, ngjarja ka ndodhur të enjten, rreth orës 11:34, në Prishtinë, raporton Zeri.info.

“Është arrestuar i dyshuari mashkull kosovar, pasi dyshohet se i njëjti përmes telefonit ka kanosur viktimën femër kosovare. Lidhur me rastin është njoftuar prokurori dhe me vendim të tij i dyshuari dërgohet në mbajtje”, thuhet në njoftimin e Policisë.

Po ashtu bëhet e ditur se i dyshuari ka kërkuar trajtim mjekësor dhe është transferuar në QKUK, ku pas ekzaminimeve mjekësore i njëjti është pranuar për kurim të mëtutjeshëm dhe është nën përkujdesje policore deri në vendimin e ardhshëm. /Zëri