Rrëmbehet dhe dërgohet në një mal afër Prishtinës, pas disa orësh viktima paraqitet në Polici

Policia ka pranuar një informatë nga një qytetar se një shok i tij është rrëmbyer nga një person dhe i njëjti është dërguar në një mal në afërsi të Prishtinës.

Sipas raportit të Policisë së Kosovës, ngjarja ka ndodhur të hënën, në rrugën “Fadil Vata”, në Prishtinë.

Tutje bëhet e ditur se njësitë e hetimeve rajonale janë duke e trajtuar rastin.

“Njësitë policore kanë filluar ta trajtojnë rastin. Pas disa orësh personi që dyshohet se ka qenë i rrëmbyer është paraqitur në stacion policor. Njësitë e hetimeve rajonale janë duke e trajtuar rastin”, thuhet në raport.

Ndërkaq, siç bëhet e ditur nuk raportohet për të arrestuar.