Dy gjoba ndaj shoferit në Kaçanik për tejkalim shpejtësie
Një shofer ka marrë dy gjoba për shkak se nuk ka respektuar kufizimin e shpejtësisë në hyrje-dalje të autostradës “Arbër Xhaferi” në fshatin Doganaj të Kaçanikut.
Policia e Kosovës ka njoftuar se me datën 18.02.2024 në rrjetet sociale ka qarkulluar një video içizim, ku në hyrje - dalje të autostradës ‘’Arbën Xhaferi’’ në fshatin Doganaj të Kaçanikut, një shofer ka drejtuar veturën e tij BMW me targa vendore në mënyrë të rrezikshme, duke rritur vrullshëm shpejtësinë, përkatësisht duke e nisur nga vendi në atë mënyrë që të shkaktojë rrëshqitje dhe rrotullim të rrotave në vend.
Derisa sipas Policisë i dyshuari me inicialet A.B i moshës 21-vjeçare me datën 21.02.2024 është ftuar në stacionin e policisë dhe ndaj tij kanë shqiptuar një gjobë kundërvajtëse me dënim prej 150 euro dhe 1 pikë negative.
“Me këtë rast policia rajonale e Ferizajt apelon tek shoferët e automjeteve që të respektojnë rregullat dhe shenjat e komunikacionit. Veprimet e tilla rrezikojnë direkt jetën e tyre dhe pjesëmarrësve tjerë në komunikacion dhe fton qytetarët të bashkëpunojnë me policinë”, thuhet në njoftimin e policisë. /Zëri
