![Rivarroset trupi i Liridona Ademajt, familja hap të pame në fshatin Rracaj](/uploads/zeri.info/images/2023/December/04/auto_r1701696767.jpg)
Rivarroset trupi i Liridona Ademajt, familja hap të pame në fshatin Rracaj
Kronika
December 04, 2023 - 14:31
Rivarrimi i Liridona Ademajt, nëpërmjet fotografive
Në fshatin Rracaj të Gjakovës sot është bërë rivarrimi i turpit të Liridona Ademajt, e cila u vra mbrëmjen e 29 nëntorit në Prishtinë.
Ajo me kërkesë të familjes është zhvarrosur nga varrezat e fshatit Cërmjan.
Në ceremoninë e rivarrimit kanë marrë pjesë edhe ministri i Brendshëm Xhelal Sveçla, ministrja e Drejtësisë Albulena Haxhiu, ministrja Rozeta Hajdari dhe ministrja Donika Gërvalla.
Ndërkaq familjarët e Liridona Ademajt kanë hapur të pame në fshatin Rracaj.
Për vrasjen e Liridona Ademajt janë arrestuar tre persona, ndaj të cilëve është caktuar masa e paraburgimit prej 30 ditësh.
Në mesin e tyre është edhe bashkëshorti i saj Naim Murseli, i cili dyshohet se ka orkestruar vrasjen e bashkëshortes së tij.