Një grabitës i vrarë, një polic i plagosur dhe tre të arrestuar në operacionin policor për grabitjen në Suharekë
Njëri nga grabitësit e argjendarisë në Suharekë është vrarë gjatë operacionit policor, e në këtë rast një polic është plagosur.
Bëhet e ditur se në këtë rast janë arrestuar tre të dyshuar, kurse një tjetër është ende në arrati.
Ndryshe, për dy të arrestuar në këtë rast Gjykata Themelore e Prizrenit ka marrë vendim që t’ua shqiptojë masën e paraburgimit në kohëzgjatje prej 30 ditësh. Kurse, i dyshuari i tretë është liruar në mungesë të provave.
Ndërsa të premten Policia njoftoi se ka gjetur veturën, e cila dyshohet se është përdorur dy ditë më parë nga të dyshuarit për grabitje në argjendarinë “Diakos” në komunën e Suharekës.
Ditën kur ndodhi grabitja u njoftua se një polic u plagos dhe një tjetër mori lëndime.
Shuma e arit të grabitur konsiderohet të jetë 250 mijë euro, grabitje kjo që ndodhi pasditen e së mërkurës në një argjendari në Suharekë.
“Betimi për Drejtësi” kishte publikuar pamjet nga momenti i grabitjes, ku ishin shkrepur edhe armët nga hajnat dhe policia gjatë grabitjes që po ndodhte në qendër të qytetit të Suharekës.
