Persona të maskuar dhe me armë të gjata tentojnë të shpërthejnë bankomatin e një banke në Gjilan

Të hënën pas mesnate disa persona të maskuar dhe me armë të gjata kanë sulmuar me mjet shpërthyes bankomantin e një banke në Gjilan.

Dëshmitarët i kanë thënë Policisë se dy persona jashtë veturës kanë pasur në duar armë të gjata dhe në brendi të veturës ka pasur një ose dy persona të tjerë, të cilët janë larguar në drejtim të panjohur me veturë me targa të Serbisë, transmeton Zeri.info.

“Në vendin e ngjarjes kanë dalë njësitë e hetuesisë, si dhe Njësia për Çminim e Policisë që kanë marrë mostrat e dyshimta të eksplozivit. Në prezencë të Policisë, përfaqësuesit e bankës dhe të kompanisë së sigurimit të bankës kanë hapur bankomatin dhe të njëjtët na kanë deklaruar se mjetet që kanë qenë brenda në bankomat nuk kanë arritur të merren, por disa prej tyre janë të dëmtuara. Rasti nën hetime”, thuhet në raportin e Policisë. /Zëri