Dy policë pengohen gjatë kryerjes së detyrave zyrtare në Zubin Potok

Dy policë janë penguar gjatë kryerjes së detyrës zyrtare ditën e diel në Zubin Potok. Policia njofton se rastet kur janë penguar policët kanë ndodhur në fshatin Bërnjak dhe Bube në Zubin Potok.

Lidhur me rastet, Policia ka arrestuar personat e dyshimtë.

“Është arrestuar i dyshuari mashkull kosovar, pasi kishte refuzuar t’i prezantojë dokumentet identifikuese dhe lejen e qarkullimit të veturës, duke tentuar të largohet me veturë. Zyrtarët policorë kanë arritur ta ndalojnë të dyshuarin dhe më pas gjatë arrestimit i dyshuar duke rezistuar kishte sulmuar fizikisht zyrtarët policorë. Me vendim të prokurorit, i dyshuari është liruar në procedurë të rregullt”, theksohet në njoftim.

Gjithashtu është arrestuar edhe vozitësi, pasi ka penguar zyrtarët policorë gjatë kryerjes së detyrës zyrtare.

“Me vendim të prokurorit, vozitësi pas intervistimit është liruar dhe rasti shkon në procedurë të rregullt”, thekson Policia.