Arrestohen dy persona në Ferizaj, iu gjetën 5800 kg mjaltë të kontrabanduar

Policia e Kosovës sot në bashkëpunim me Doganën kanë zhvilluar një aksion në Ferizaj ku kanë gjetur dhe konfiskuar rreth 5800 kg mjaltë.

Bëhet e ditur se mjalti kishte qene pa dokumente mbi prejardhjen dhe shitej si mall i pa regjistruar, andaj e njëjta është konfiskuar nga Dogana e Kosovës. Gjithashtu AUV ka marr mostrat e nevojshme për procedura të mëtejme, raporton Zeri.info.

Në lidhje me rastin për intervistim janë shoqëruar dy persona të dyshuar: B.A., (1985) m/k dhe E.I., (1996) m/k, të cilët me vendim të prokurorit kujdestar janë dërguar në mbajtje për 48 orë.

“Policia e Kosovës mbetet e përkushtuar në parandalimin dhe luftimin e kontrabandimit të mallrave duke bashkëpunuar ngushtë gjithnjë me Doganën e Kosovës”, thuhet në komunikatë. /Zëri