Zjarr në oborrin e një shkolle në Banullë, intervenojnë zjarrfikësit

Oborri i shkollës së vjetër “Emin Duraku” që ndodhet ndërmjet fshatrave Banullë dhe Gllogovc sot është përfshirë nga zjarri.

Klankosova.tv i ka kontaktuar zjarrfikësit e rajonit të Lipjanit prej të cilëve ka mësuar se zjarri është lokalizuar pa dëme materiale.

“Është oborri i shkollës së vjetër e cila nuk është funksionale. Ekipi i zjarrfikësve ka dalë në vendin e ngjarjes dhe kanë arritur që ta lokalizojnë zjarrin. Nuk ka dëme materiale”, ka thënë kujdestari i ndërrimit të zjarrfikësve për rajonin e Lipjanit.