Gjendet trupi i pajetë i katërvjeçarit në kanalin e Ibër-Lepencit
Është gjetur trupi i pajetë i 4-vjeçarit, i cili ishte raportuar i zhdukur që nga dje.
Policia, FSK-ja dhe zjarrfikësit kishin nisur nga dje operacionin e kërkim-shpëtimit për fëmijën, i cili ishte raportuar i zhdukur nga nëna e tij, ndërsa sot ai është gjetur i vdekur në kanalin e Ibër-Lepencit, raporton Zeri.info.
Rastin e ka konfirmuar tashmë edhe zëdhënësi i Policisë për rajonin e Mitrovicës, Avni Zahiti, i cili ka thënë se trupi është dërguar për obduksion.
“Mund të konfirmoj se trupi është gjetur nga ekipet e shpëtimit rreth orës 12:00 në kanalin e Ibër- Lepenci, në fshatin Bukosh. Trupi është dërguar për obduksion në Institutin e Mjekësisë Ligjore”, ka thënë Zahiti.
Ndryshe, sot Policia rifilloi në mëngjes kërkimet për 4-vjeçarin derisa i njëjti u gjet i vdekur.
