Grabiten para nën kërcënimin e armës në një market në Mitrovicë

Dje në Mitrovicë është raportuar për një vjedhje parash në një market.

Policia e Kosovës ka bërë të ditur se viktima femër, derisa ishte në vendin e punës, një person i panjohur nën kërcënimin e armës ia kishte grabitur paratë e pazarit ditor.

“Viktima femër kosovare ka raportuar se derisa kishte qenë në vendin e punës në market duke kryer pagesa në arkë, një person i panjohur nën kërcënimin e një arme të shkurtër i kishte grabitur para të pazarit ditor, i cili pas grabitjes më këmbë ishte larguar nga ai lokacion”, thuhet në raportin e Policisë.

Po ashtu bëhet e ditur se njësitë relevante policore kanë dalë në vendin e ngjarjes dhe janë duke e hetuar rastin. /Zëri