Arrestohen gjashtë persona për rrahje në Gjakovë, tre nga ta të mitur

Policia në Gjakovë ka arrestuar gjashtë të dyshuar (tre nga ta të mitur) pasi të njëjtit pas një zënke verbale janë përleshur fizikisht.

Bëhet e ditur se si pasojë e përleshjes tre nga të dyshuarit kanë pësuar lëndime trupore për çka dhe u është ofruar tretmani mjekësor.

Sipas njoftimit të PK-së thuhet se ngjarja ka ndodhur më datën 23.09.2022 rreth orës 15:00 minuta në rrugën “ Nëna Terezë” në Gjakovë, raporton Zeri.info.

“Janë arrestuar 6 të dyshuar meshkuj kosovarë (tre nga ta të mitur) pasi të njëjtit pas një zënke verbale që kishin pasur janë përleshur fizikisht në mes veti. Si pasojë e përleshjes tre nga të dyshuarit kanë pësuar lëndime trupore për çka dhe u është ofruar tretmani mjekësor”, thuhet në njoftimin e Policisë.

Po ashtu mësohet se me vendim të prokurorit 3 të dyshuar janë dërguar në mbajtje, kurse 3 të dyshuarit e tjerë janë liruar në procedurë të rregullt. /Zëri