Treni godet për vdekje një person në Pejë
Kronika
October 21, 2021 - 19:34
Një person ka vdekur pasi është goditur nga treni në Pejë.
Policia në Pejë ka konfirmuar se rasti ka ndodhur sot rreth orës 18:35, ndërsa dyshohet se viktima i ka dalë trenit përpara, raporton Zeri.info.
“Rreth orës 18:35 kemi pranuar një informatë se treni i cili ishte në lëvizje Prishtinë – Pejë, duke arritur në stacionin e Pejës ka goditur një person për vdekje. Viktima dyshohet se i ka dalë përpara trenit”, ka bërë të ditur policia në Pejë.
Në vendin e ngjarjes kanë dalë të gjitha njësitë e Policisë, dhe po merren me rastin. /Zëri
