Katërvjeçari që vdiq dje pas goditjes nga vetura po ngiste biçikletën në rrugë
Kronika
March 05, 2021 - 11:37
Gjatë ditës së djeshme një katërvjeçar është goditur për vdekje nga një veturë në fshatin Carallukë të Malishevës.
Përmes raportit 24-orësh, Policia ka bërë të ditur se fëmija kishte qenë duke drejtuar biçikletën në momentin kur është goditur nga vetura.
“Ka ndodhur një aksident trafiku me fatalitet, ku i dyshuari mashkull kosovar, duke drejtuar automjetin e tij, nga pakujdesia godet viktimën fëmijë, mashkull kosovar, i cili kishte qenë duke drejtuar biçikletën. Viktima nga plagët e marra ndërron jetë në QKMF-Malishevë. Me urdhër të prokurorit kujdestar, i dyshuari ndalohet në Qendrën e Mbajtjes, ndërsa trupi i pajetë i viktimës, me kërkesën e familjarëve, është liruar për ceremoni mortore”, thuhet në raport. /Zëri