Kapet në flagrancë 33-vjeçari në Ferizaj duke vjedhur një këmbimore

Një person, mashkull 33 vjeç, ka tentuar të kryejë një vjedhje në një këmbimore në Ferizaj.

Tentimi ka dështuar pasi policia arriti që në flagrancë të arrestojë personin e dyshuar.

Ngjarja ka ndodhur të dielën, në orën 23:55, ndërsa Policia e ka cilësuar këtë si “Vjedhje të rëndë”.

“Pas punës së suksesshme operative në terren njësiti policor ka arritur që në flagrancë të arrestojë personin e dyshuar duke kryer veprën penale ‘Vjedhje e rëndë’. Rasti ka ndodhur mbrëmë rreth orës 23:55 minuta në Ferizaj, në rrugën ‘Dëshmorët e Kombit’, ku i dyshuari, B.B. (M/Kosovar, 33 vjeç) me forcë ka depërtuar në një këmbimore për të vjedhur dhe i njëjti është arrestuar në flagrancë nga polica”, thuhet në komunikatën për medie.

Të dyshuarit si prova materiale i janë gjetur dhe konfiskuar: një laptop, 2 radiolidhje, 2 zmadhues, 60 euro, 290 lekë, 228 dinarë, 6 telefona të ndryshëm, 2 portofola, 1 kaçavidë dhe 1 palë gërshërë.

“I dyshuari në prezencë të avokatit ka pranuar në tërësi veprën e kryer dhe pas intervistimit, me urdhër të prokurorit, rasti shkon në procedurë të rregullt”, theksoi Policia. /Zëri