Dy të arrestuar në Skenderaj për mbajtje të paautorizuar të armëve

Dy të arrestuar në Skenderaj për mbajtje të paautorizuar të armëve

Kronika February 22, 2020 - 15:21

Mbi bazën e informacionit dhe dyshimeve të arsyeshme, Policia në Skenderajë, në orët e mëngjesit të sotëm, ka realizuar bastisje në dy lokacione të ndryshme.

Sipas njoftimit për media, bastisjet janë realizuar në bazë të urdhëresës të lëshuar nga Gjykata Themelore në Mitrovicë, dega në Skenderaj, me ç’rast si rezultat i bastisjeve janë gjetur dhe janë sekuestruar dy armë një pushkë automatike dhe një pistoletë.

“Në cilësi të të dyshuarve për posedim ilegal të armëve janë arrestuar dy persona të dyshuar: Sh. G., 39 vjeçar dhe B.A., 27 vjeçar, ku pas procedurave të intervistimit dy të dyshuarit janë liruar për procedurë të rregullt”, thuhet në njoftim.Ndaj tyre është iniciuar rast për vepër penale ‘’mbajtje në pronësi, kontroll ose posedim i paautorizuar i armës’’.