Bastiset shtëpia e Xhabir Zharkut, i gjenden armë e municion djalit të tij

Bastiset shtëpia e Xhabir Zharkut, i gjenden armë e municion djalit të tij

Kronika February 21, 2020 - 17:42

Policia e Kosovës sot ka bastisur disa prona në Kaçanik, ku ka sekuestruar disa armë dhe municion. Express mëson se bastisja ka ndodhur në pronat e djalit të Mërgim Zharkut, djalit të ish-kryetarit të Kaçanikut, Xhabir Zharkut.

Sic njofton Policia, është krye kontroll në shtëpinë e M.Zh dhe në pronat e tjera që ai i posedon.

Gjatë bastisjet atij i janë gjetur katër armë, dy prej të cilave janë pa leje. Përvec armëve i është gjetur edhe municion.

Ndryshe, Krimet Ekonomike në dhjetor të vitit të kaluar kishin arrestuar ish-kryetarin e Kaçanikut Xhabir Zharkun, për keqpërdorim të detyrës zyrtare në vitin 2010, sa ishte kryetar i komunës.

Njoftimi i Policisë Rajonale të Ferizajt:

Hetuesit e Sektorit të Hetimeve Rajonale –Ferizaj,sot gjatë ditës, në bazë të urdhëresës së Gjykatës Themelore – Ferizaj,është kryer një kontroll në shtëpinë dhe objektet përcjellëse të personit M.ZH.(m/sh/k 31 vjeç) në Kaçanik.

Gjatë kontrollit janë gjetur dhe konfiskuar:

– Një pistoletë e tipit Glock 17 9×19 me numër serik AKG577 me një karikatorë dhe 17 cop fishek të kalibrit 9mm, për të cilën nuk posedon leje.

– Një armë e gjatë e prodhimit Mossberg, model Patriot made in USA, me nr. Serik: MPR 108642 me dylbi, një paketim me 9 cop fishek me mbishkrim 30-06 Sprg, .me leje valide.

– Nëntë paketime me fishek (180 cop) me mbishkrim 30-06 Sprg,

– Një pistoletë SIG SAUER P226 me numër serik U135891 me një karikatorë me 5 cop fishek për të cilën nuk posedon leje,

– Një Pistoletë Beretta , made in USA BUPICO me numër serik PC0189943 me dy karikatorë dhe 22 cop fishek të calibrit 9mm, me leje valide.

Gjatë kontrollit në shtëpinë e njëjtë janë konfiskuar edhe disa pajisje elektronike si telefona, IPAD dhe DVR dhe të tjera.

Pas intevistimit të të dyshuarit në prezencën e avokatit mbrojtës me urdhër të Prokurorit i njëjti është liruar në procedurë të rregullt.