Varroset pranë të bijës 44-vjeçari nga Podujeva që vdiq pas aksidentit

Varroset pranë të bijës 44-vjeçari nga Podujeva që vdiq pas aksidentit

Kronika janar 20, 2019 - 17:37
Lexoni detajet

Në varrezat e fshatit Kaçibeg të Podujevës, sot i është dhënë lamtumira e fundit, Shemsi Selimit që vdiq pas aksidentit në Penuhë më 31 dhjetor.

Familjarë, miq, shokë e shumë qytetarë të tjerë mes lotësh kanë përcjellur për në banesën e fundit, Shemsi Selimin 44 vjeçar.

Lamtumira e fundit u dha pranë varrit të së bijës e cilla vdiq në po këtë aksident, e që u varros pak ditë më parë.

Ndryshe, rastin e ka konfirmuar edhe Policia e Kosovës në raportin e saj ditor.

“Lidhur me rastin e raportuar me datën e lartë shënuar me përfshirjen në aksident trafiku të tri automjeteve, me tabela vendore dhe me vozitës meshkuj K/Shqiptar, lëndime të rënda trupore ka pësuar njëri nga vozitësit i cili pas aksidentit është dërguar për tretman mjekësor në QKUK-ë. Sot me datë,19.01.2019,ora 19:20, viktima (vozitësi) mashkull K/Shqiptar, ka ndërruar jetë. Me vendimin e prokurorit, trupi i pa jetë i viktimës dërgohet për obduksion në IML”, thuhet në raportin e policisë.

Kujtojmë, në këtë aksident ka vdekur edhe një grua 32-vjeçare./Llapi.info