Shoferi i familjes presidenciale që u kap me 113 kg drogë lirohet nga paraburgimi

Është liruar nga paraburgimi Enis Qerka, shofer personal i vëllaut të presidentit Hashim Thaçi. Ai një javë më u kap me 113 kilogramë drogë.

Gjykata e Apelit ka vendosur që t'i lirojë nga masa e paraburgimit personat, të cilët nga Prokuroria dyshohen për përfshirje në dhënien e ndihmës një grupi të personave të cilëve u janë gjetur tri valixhe me substanca narkotike që dyshohet të jetë heroinë.

Apeli ka vendosur që ti liroj nga paraburgimi Selim Çerkën, Enis Çerkën dhe Gent Selacin

Ndërkaq ndaj Labinot Zenelit është refuzuar ankesa i njëjti me vendim të Gjykatës së Apelit do të vazhdojë të qëndrojë në paraburgim.

Lajmin për KALLXO.com e ka bërë të ditur avokati Florent Latifaj.

Enis Qerka është arrestuar nën dyshimin se është kapur me 113 kilogramë narkotikë, që dyshohet të jetë heroinë.