​Kryeministri viziton punimet në fabrikën e ujit në Shkabaj

Kryeministri i Republikës së Kosovës z. Isa Mustafa: ” Jemi të kënaqur me dinamikën e punimeve në fabrikën e re të ujit në ”Shkabaj”.

Me rastin e shënimit të Ditës Botërore të Ujit, kryeministri i Kosovës Isa Mustafa, ka bërë një vizitë në fabrikën e ujit në Shkabaj e cila është duke u ndërtuar. Përveq kryeministrit në vizitë kanë marrë pjesë edhe ambasadorja e Zvicrës Krystyna Marty-Lang dhe ministri i Ambientit dhe Planifikimit Hapësinor Ferid Agani.

Kryeministri dhe vizitorët janë njoftuar nga ushtruesi i detyrës së kryeshefit të ujësjellësit Ilir Abdullahu për mbarëvajtjen e progresit të punimeve të fazës së tretë të investimeve në këtë fabrikë.

Kryeministri Mustafa dhe të tjerët u ndanë të kënaqur me dinamikën e punimeve në fabrikën e përpunimit të ujit ”Shkabaj”.