Rritet kostoja e ndërtimit në Kosovë

Indeksi i tërësishëm i Kostos së Ndërtimit në Kosovë (IKN) pati rritje për 0.7% në tremujorin e dytë të këtij viti, krahasuar me tremujorin e parë.

Sipas Agjencisë së Statistikave të Kosovës, tremujori i dytë i këtij viti u rrit për 4.0% në krahasim me të njëjtën periudhë të vitit 2024, transmeton Zeri.info.

“Indeksi i tërësishëm i Kostos së Ndërtimit në Kosovë (IKN) pati rritje për 0,7% në tremujorin e dytë (TM2) 2025, krahasuar me tremujorin e parë (TM1) 2025. Rritje kishte te: energjia (5,5%); pagat (2,0%); transporti (1,8%); kostot e tjera (1,3%); makineritë (1,0%) dhe materialet (0,3%)”.

“Indeksi i tërësishëm i Kostos së Ndërtimit në Kosovë (IKN) pati rritje për 4,0% në tremujorin e dytë (TM2) 2025, krahasuar me tremujorin e dytë (TM2) 2024. Rritje më të madhe kishte tek: energjia (26,9%); pagat (6,7%); kostot e tjera (3,7%); materialet (3,5%); transporti (3,4%) dhe makineritë (0,7%)”, thuhet në njoftimin e ASK-së. /Zëri