Hapen aplikacionet e ofertuesve për Ankandin e Erës, Rizvanolli: Kemi siguruar transparencë dhe proces të qëndrueshëm

Ministria e Ekonomisë ka bërë hapjen publike të aplikacioneve të dorëzuara nga ofertuesit potencial, pas përmbylljes së Kërkesës për Kualifikim për Procesin e Ofertimit Konkurrues për Ankandin e Erës.

Ministrja Artane Rizvanolli ka thënë se faza e dytë e aplikimit do të filloj gjatë muajit mars.

“Gjatë këtij procesi për më shumë se në 50 pyetje kemi siguruar transparencë që jemi kujdesur që të gjitha palët të jenë mirë të informuar. Jo vetëm që të ngjallim interesim dhe garë, por sigurojmë edhe proces qëndrueshëm. Zotohemi që do të ndjekim hapat sa më transparentë dhe në nivelet më te larta. Faza e dytë e aplikimit fillon gjatë muajit mars, ankandi i parë i erës bashkë me atë solar i cili është përfunduar do të plotësojë miksin tonë energjetik”, ka thënë Rizvanolli.