4 milionë euro për energjinë e pastër në Kosovë

Ministrja e Ekonomisë, Artane Rizvanolli ka njoftuar se janë ndarë 4 milionë euro për energjinë e pastër në Kosovë, mbështetur nga marrëveshja e bashkëpunimit bilateral mes Kosovës dhe Danimarkës.

Kjo marrëveshje mundëson: Mbështetje për mbi 200 familje në nevojë me masa të efiçiencës së energjisë; Mbështetje për ndërmarrjet e vogla dhe të mesme (NVM), gratë ndërmarrëse dhe inovacionin; si dhe; Mbështetje institucionale për një tranzicion të drejtë energjetik.

Ministrja Rizvanolli, ka falënderuar Qeverinë daneze, United Nations Development Programme (UNDP) dhe të gjithë partnerët e përfshirë në këtë projekt të rëndësishëm për mirëqenien e qytetarëve, ekonominë dhe mjedisin e vendit tonë.

Programi do të fillojë implementimin nga data 1 shkurt 2025.