Shënohet Dita Ndërkombëtare e Remitancave Familjare

Kjo ditë u shpall unanimisht nga të gjitha 176 shtetet Anëtare të Fondit Ndërkombëtar për Zhvillimin e Bujqësisë në shkurt 2015.

Kjo ditë është njohur nga qeveritë, rregullatorët, institucionet financiare dhe organet e zhvillimit.

Remitancat vazhdojnë të luajnë një rol shumë të rëndësishëm për familjet kosovare.

Falë kontributit të pandërprerë të mërgimtarëve tanë, ata kanë ndihmuar familjet e tyre në vendlindje, duke ndikuar njëkohësisht edhe në zhvillimin ekonomik të Kosovës.

Në vitin 2023, remitancat apo dërgesat financiare të mërgimtarëve në Kosovë kaluan 1.3 miliardë euro përkatësisht 1 miliard e 343.4 milionë euro.