Ekonomistët: Rritja ekonomike me e ulët sesa parashikimi i Qeverisë

Para një viti shifrat e rritjes ekonomike, kryeministri Albin Kurti i përdorte në Kuvend e në çdo vend për ta portretizuar qeverinë e tij si më të suksesshmen në vitet e pasluftës.

Një vit më vonë përveç se larg atyre shifrave, vërejtje në fushën e ekonomisë u dhanë edhe në Raportin e Progresit të Komisionit Evropian.

Aty shpërfaqet ngadalësimi i rritjes ekonomike, teksa shqetësues vlerësohet edhe problemi në lidhje me mosekzekutimin e buxhetit.

E krejt këto i konfirmojnë edhe ekspertë të kësaj fushe.

Sipas drejtorit të Institutit “Riinvest”, Alban Hashani, trend i rritjes ekonomike madje do të jetë më i ulët edhe sa vetë parashikimi i Qeverisë së Kosovës.