Dogana sekuestron 40.000 euro mallra të kontrabanduara [foto]

Njësitet e Doganës së Kosovës kanë kryer kontrolla pa paralajmërim tek 5 subjekte dhe sekuestrojnë 40.000 euro vlerë të mallrave.

Në kuadër të luftës kundër kontrabandës së mallrave që kanë potencial të rrezikshëm për shëndetin publik, njësitë antikontrabandë të Doganës së Kosovës kanë kryer kontrolle të paparalajmëruara në Prishtinë tek 5 subjekte të cilat ishin nën dyshimin për përdorim dhe transportin e mallrave të kontrabanduara.

Në njoftimin e saj, Dogana ka bërë të ditur Njesitë Antikontrabandë kanë identifikuar dhe sekuestruar një sasi të konsiderueshme të medikamenteve të ndryshme, respektivisht stimulues seksual, me një vlerë prej rreth 40,000.00 euro, raporton Zeri.info.

“Një pjesë e këtyre mallrave kishin afat të skaduar. Në përputhje me procedurat e ligjore, janë iniciuar procedurat kundërvajtese kundër palëve të përfshira në këtë veprimtari të paligjshme”, thuhet në njoftimin e Doganës.

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi. /Zëri