600 milionë euro nga mërgimtarët, kërkohet të investohen në prodhim
Foto: Zëri / Ilustrim

600 milionë euro nga mërgimtarët, kërkohet të investohen në prodhim

Ekonomia September 05, 2023 - 08:04

Vetëm në gjysmën e parë të viti 2023 janë dërguar më shumë se 600 milionë euro nga diaspora. Ndonëse kjo shifër cilësohet si “infuzion” për ekonominë e vendit, njohësit e fushës konsiderojnë se këto shpenzime duhet të ridestionohen.

Më shumë se gjysmë miliardi euro janë shpenzuar vetëm në gjatë mujorin e parë të këtij viti, nga diaspora në Kosovë.

E një shumë e tillë ndonëse nuk është vetëm në formë të remitencave, është më se e mirëseardhur nga kryetari i Odës Ekonomike, Lulzim Rafuna.

“Këtë vit, gjashtë mujorin e parë të këtij viti janë afër 600 milionë që janë shpenzuar nga diaspora, kjo ka qenë një “infuzion” për ekonominë e vendit tonë. Këto të ardhura që vijnë në vendin tonë vijnë në formë të remitencave por edhe gjatë pushimeve ata shpenzojnë një shumë, shumë të madhe që është infuzion i drejtpërdrejtë, sidomos tek sektori i gastronomisë”, tha Rafuna për teve1.

Por sipas tij, këto të ardhura do duhej të rionetoheshin.

“Sipas meje, me ndihmën e institucioneve të vendit këto është dashur me u riorientua dmth këto 600 milionë, përqindja më e madhe e tyre është në patundshmëri, dmth ose në shtëpi, banesa apo toka. Mirëpo e mira kishte qenë që këto me u investua në prodhim, në projekte që ndikojnë drejtpërdrejtë në zhvillimin ekonomik”, bëri të ditur ai.

Ndërkaq, përkundër benefiteve nga remitencat, profesori universitar, Bashkim Mustafa thekson edhe një faktor negativ.

“Në aspektin ekonomik është një shenjë e mirë që diaspora ende po dërgon para në Kosovë. Kjo është një infuzion shumë i fuqishëm për në ekonominë e vendit. Por në aspektin e emigracionit sigurisht që nuk është fat për shtetin e Kosovës sepse po dalin të rinj dhe të reja nga vendi dhe mungon ekonomia dhe konsumi në anën tjetër”, theksoi Mustafa.

Gjatë vitit 2022, remitencat në Kosovë arritën vlerën prej 1 miliard e 223 milionë euro e që ekonomisë në vendin tonë I kontribuoi me rritje vjetore prej 6.0 për qind.