Bizneset në Eurozonë rrisin aktivitetin gjatë majit

Prodhimi i biznesit në Eurozonë pati një rritje të qëndrueshme në maj, për të pestin muaj radhazi, ndonëse me një ritëm më të ngadaltë.

Shifrat e Indeksit PMI treguan një pabarazi të ngjashme në Gjermani, ku prodhimi i përgjithshëm i biznesit u rrit, por prodhimi pësoi rënie. Në Gjermani, aktiviteti i biznesit u zgjerua për të katërtin muaj radhazi, i nxitur ekskluzivisht nga një ringjallje e sektorit të shërbimeve, që më shumë se kompensoi një rënie të prodhimit në ekonominë më të madhe të Evropës.

Por në Francë, aktiviteti u zgjerua me ritmin më të ngadaltë në katër muaj, pasi prodhimi vazhdoi të tkurret dhe rritja në sektorin dominues të shërbimeve u ngadalësua.

Kompanitë e shërbimeve në Britani të Madhe, rritën çmimet me një ritëm të shpejtë, ndërsa kërkesa vazhdoi të qëndronte e fortë, duke shtuar shqetësimet e Bankës së Anglisë për vazhdimin e inflacionit të lartë.

PMI për industrinë e shërbimeve të Eurozonës, ra nga niveli më i lartë 1-vjeçar, duke mposhtur parashikimet për një rënie më të madhe.

Pavarësisht ngadalësimit të rritjes së bizneseve të reja, firmat e shërbimeve rritën numrin e punonjësve me një ritëm të fortë – indeksi i punësimit ishte 55.0, megjithëse më i ulët se niveli më i lartë i 11-mujorit.