Publikohet në Gazetën Zyrtare Ligji për rimëkëmbje, topi tash te TRUST-i
Ekonomia
December 07, 2020 - 18:18
Të premten është votuar Ligji për Rimëkëmbjen Ekonomike, ndërsa të shtunën u.d. e presidentes Vjosa Osmani e ka dekretuar këtë ligj, raporton Zeri.info.
Pas kësaj, Fondi i Kursimeve Pensionale të Kosovës (Trusti) dha detaje për mënyrën e aplikimit për tërheqjen e 10% të kursimeve siç parashihet në këtë ligj, ndërsa tha se janë të obliguar që megjithatë të presin publikimin e këtij Ligji në Gazetën Zyrtare që më pas të lejohet aplikimi.
Kurse sot zyrtarisht ky ligj figuron në Gazetën Zyrtare të Republikës së Kosovës, raporton Zeri.info.
TRUST-i ka njoftuar se procesi i aplikimit do të zgjasë katër muaj. /Zëri
